أفضل مطاعم الأكل فى بنها
لو بتسأل عن أفضل مطاعم الأكل فى بنها، لو جعان وعايز تاكل حاجه مضمونه ومتجربش أفتح بنهاوى أكبر دليل فى بنها وشوف أفضل مطاعم الأكل فى بنها.
مطاعم الأكل السورى
لو أنت بتحب الأكل السورى اللى انتشر أوى الفترة الأخيرة بعد ما مصر فتحت أبوبها فى وش السوريين، وأختلط السوريين بالمصريين وعملوا مطاعم وأكلهم عجب المصريين. فيلا معاكم هوى الشام، وعندك كمان فواز السورى.
مطاعم ساندوتشات سريعة
لو أنت بقى عايز سندوتشات فى السريع كده برده أدخل على بنهاوى، هتلاقى عنوان ومنيو ورقم تليفون كل المطاعم. فمثلاً هتلاقى للسندوتشات اللى فى السريع شيخ الشاورما، والشاروما ديه تحس أنها حاجه سحرية كل الناس بتحبها، وعشان كده عندك كمان شاورما أند بطاطس. وفى كمان مطعم دونالد للسندوتشات السريعة، وعندك تشكن هت ده بقى سندوتشات فراخ قدرة تنافس كنتاكى، أصل تشكن هت لما فتح فى بنها مكنش لسه كنتاكى فتح، والناس جربت سندوتشاته وعجبتهم، وعندك طبعاً مطعم طاهى من أقدم مطاعم الأكل فى بنها وأكله لسه كويس على فكرة. عندك كمان سندوتشات البرجر من عند برجر هاوس.
مطاعم الكريب
لو ليك بقى فى الكريب برده عنك كريب سبايسى، يا أخى بنها ديه بقى فيها كل حاجه.
مطاعم البيتزا
لو بقى أنت من عشاق البيتزا والموتزاريلا السايحه على العجينة ووسطهم شوية خضار ولحوم أو ممكن تكون جبن بس، هتلاقى عندك بيتزا الملك، وبيتزا لانجلتو طعم البيتزا الأيطالى. وفى كمان اختراع صواريخ البيتزا وديه بقى حاجه كده ولا طالت تكون بيتزا عادية ولا سندوتش عادى، بس طعمها تحفه فعليك وعلى مطعم شقاوة.
لو بقى أنت بتحب تاكل فى المطاعم الشهيرة أو المطاعم اللى ليها فروع فى مصر كلها فعندك بقى كوك دور بنها، ومؤمن بنها، وبيتزا كينج بنها.
مطاعم مشويات
ملكش بقى فى السندوتشات والبيتزا وعايز تاكل مشويات عندك الاكسيرى، ومطعم الونش، ومطعم العلمين، مطعم أبو عميرة، ومطعم أبو الخير، وحضر موت، وأحدث مطاعم المشويات وهو مطعم الملك فاروق.
مطاعم الاسمالك والسى فود
مش عايز بقى ولا فراخ ولا لحوم يبقى عليك وعلى السمك وعندك برده مطاعم كتير متخصصه فى عمل الأسماك فى بنها، مش بقولك كل حاجه بقت موجوده فى بنها، فعندك مثلاً مطعم مياس، واسماك عز، اسماك العربى، ومطعم كافيار أحدث مطاعم الأسماك فى بنها وده بقى قاعده على البحر وحاجه تفتح النفس على الأكل والحياة كلها.
مطاعم اسرية
لو خارج أنت والأسرة ومعاك أطفال وعايز تاكل روح على لافا ستيك، أكله حلو فى مكان مخصص عشان الأطفال تلعب ومعاهم مدرسه تهتم بيهم.
لو أنت بقى مفلس يبقى عليك وعلى الكشرى حبيب المصريين عندك كشرى الزعيم، وكشرى وصاية.
أكلت وشبعت الحمد لله وعايز تحلى يبقى عليك وعلى دونتس، أو حلوانى الرفاعى، أو لابوار. يبقى كده كل اللى عليك تفتح بنهاوى أكبر دليل فى بنها وهتلاقى كل المطاعم و أى حاجه بتسأل عليها فى بنها.
لو تقدر ترشحلنا مطعم يكون ليك فيه تجربة ياريت ما تبخلش علينا فى التعليقات