أين تذهب هذا المساء فى مدينة بنها

إنهاردة الخميس ، يوم أجازة لأغلب الناس اللى شغالة طول الاسبوع.

لو حابب تخرج اليوم ده وتقضيه فى بنها ، يبقى مفيش قدامك إلا أماكن معينة عشان تعرف تستمتع بخروجتك وتنبسط.

لو انتوا عائلة او بنات

وعايزين مكان هادى تتجمعوا فيه ممكن تروحوا أرمادا ، على كورنيش النيل ، أمام ستوديو قشقوش.

أو النادى الرياضى ، وممكن بردو تروحوا الماسة فى أخر كفر الجزار بس دى هتناسب العائلات أكتر عشان المكان بعيد شويه.

لو انتوا مجموعة شباب بقى

ممكن تروحوا ليالى لبنان ، ده كافيه فى أخر كفر الجزار بردو أمام الماسة ، الجو فيه كويس جداً وقعدته حلوة.

أو تروحوا كازابلانكا ، فى كفر الجزار بردو ، عند بيتزا الملك كدا.

وطبعاً مفيش أسهل من خروجة الفلل بس لو حابب تجدد مكان خروجتك ممكن تروح الأماكن اللى فوق دى 🙂