تغيير المحاور الرئيسية فى بنها وأزمات المواطنين

منذ أن أعلن رئيس الوحدة المحلية لمدينة ومركز بنها السيد موسى أنه سيتم البدء فى تغيير المحاور والطرق الرئيسية فى بنها تزامنًا مع الكبارى والانفاق التى يتم حفرها فى المدينة، وأزمات المرور لا تتوقف فى شوارع بنها.

تغيير المحاور الرئيسية فى بنها وأزمات المواطنين

منذ أن أعلن رئيس الوحدة المحلية لمدينة ومركز بنها السيد موسى أنه سيتم البدء فى تغيير المحاور والطرق الرئيسية فى بنها تزامنًا مع الكبارى والانفاق التى يتم حفرها فى المدينة، وأزمات المرور لا تتوقف فى شوارع بنها.

فكانت الخطة التى يفترض أنها تهدف لحل أزمات المرور فى بنها أنه يتم توسيع نفق سعد زغلول وتطوير ميدان المحطة وإنشاء كورنيش جديد. كما يفترض أن يتم أزالة الجزر الوسطى بشارع الكورنيش وسعد زعلول ومستشفى الأمل لكى يتم تحويل الطرق لنظام الاتجاه الواحد. كما يساعد تحويل العديد من الطرق لاتجاه واحد مما أدى إلى توسيع الشوارع لتسريع حركة المرور.

هذا ما كان يفترض أن يحدث لكى يحل أزمة المرور، لكن ما حدث هو خلاف ذلك فلو حضرتك راجع من شغلك وقت الذروة وهتمر على شارع الجحيم (كما أفضل أن أطلق عليه) الشارع اللى عند النادى الرياضى اللى بيطلع للأهرام أو الفلل، المخرج الوحيد وبالأخص للقادمين من بنها، يبقى أعمل حسابك هتقعد فى الشارع ده نص ساعه لو أنت محظوظ.

وطبعًا مش عايزين ننسى نفق الاشارة العظيم النفق اللى أعمال الشغل فيه مش بتخلص وكل شوية تتوقف، النفق اللى محدش فاهم أيه قيمته غير اللى بيعملوه تقريبًا. بص مش مهم المهم أنه يخلص ويحل الأزمة اللى بيعيشها سكان الفلل والناس اللى بتروح كفر الجزار.

طيب حلو أنه يتعمل انفاق وكبارى ونخلى الطرق اتجاه واحد ونوسعها، طيب ما هيبقى حلو برده لو فتحنا الشوارع المقفله زى شارع مديرية الأمن عشان الناس اللى بتعدى على طريق الموقف، واللى بقى طريقها طويل.

بس شهادة حق من أحلى الحاجات اللى اتعملت نفق كلية العلوم، النفق اللى ربط كلية العلوم ببنها. ده نفق حل أزمة فعلًا وأن كان كل شوية تطفح فيه المياه. بس احنا خلاص على مشارف الصيف وخلاص مافيش مطر فمش هنخاف من فكرة طفح المياه وتعطيل حركة المرور فى النفق.

وبنها أو وسط البلد وبعد توسيعها بقت جيدة جدًا، ومش بنتعطل فيها زى زمان. وأن كان الأهالى اللى ساكنين فى بنها بقوا بيأخدوا أكثر من مواصلة عشان يروحوا بيوتهم، بعد ما بقى طريق البحر رايح بس ووسط البلد هو اللى راجع.

بصوا هى حاجات أكيد حلوه وزى الفل، بس خلصوا بقى نفق الأشارة على الأقل يحل أزمة المرور ولا يمكن ميحلش، لا مينفعش ميحلش بعد ما أهالى بنها الكرام وقفوا كلهم أيد واحده وتحملوا المسئولية وتشاركوا المعاناة اليومية.