احذر أحدث طرق الخطف فى بنها

انتشرت فى الآونه الأخيره ظاهرة الخطف، وأصبحت رعب يهدد كل الأسر المصرية. فتطورت وتعددت طرق الخطف، فلم يعد يمر يوم دون أن نسمع عن حالة خطف أو اكثر. والخطف للكبار والأطفال والنساء والرجال والشباب من الجنسين فجميع الفئات العمرية مهدده بالخطف، من أجل الاتجار فى الأعضاء أو من أجل طلب الفدية أو من أجل الاغتصاب واستغلال الفتيات فى أعمال الدعاره وغيره.

تعرف على طرق الخطف المختلفة:

– المناديل والحلويات التى تكون مع الباعه الجائلين وبالأخص مع الأطفال، فتجد الطفل يصر عليك أن تأخذ منه المناديل أو الحلوه ولا يوافق أن يأخذ المال بدون أن تشترى، فأحذر هذه الأشياء أيضًا، لأنه من الممكن ان تكون هناك عصابه تراقبك حتى تفقد وعيك ويتم خطف الضحية. ودول منتشرين أوى على الكورنيش، فياريت الكل ياخد باله.

– حالات الخطف فى السوزوكى، أركب جمب الباب أو بجانب السواقه، فحتى السوزوكى ممكن يكون فيه ست وراجل لكن هما كلهم عصابه وبمجرد أن الضحية تركب بيتم تخديرها.

– لو فى مره ماشية فى الشارع وموتسكل عدى من جنبك عشان يخطف الشنطه، اقعدى على الأرض وبكده وزنك هيكون تقيل مما سيؤدى إلى سقوط الشخص من على الموتسكل.

– كريم بيحطه الخاطف على ملابس الضحية، الكريم فيه ماده مخدره، فالضحية بتحس أن فى حاجه غريبة على ملابس فالضحية لما تحط أيديها هتلاقيه كريم فهتشمه فتفقد الوعى والخاطف يدخل ويقول ديه قربتى وغيره. فمحدش يشم أى حاجه غريبة، لأن فى الغالب هيكون فيها مخدر.

– أثناء الزحام فى المتاجر تشم رائحة مخدر ليفقد الأهالى الاتزان، فيسرع الخاطف فى استغلال الزحام ويخطف الأطفال.

– فى عيادة الأطفال والأم قاعده بأبنها تلاقى ست منتقبه دخله العياده بتقولها لو سمحتى ابنى تعبان أوى وجوزى حالف عليا الطلاق مروحش لدكتور فممكن تخديه تكشفيله وأنا هستناكى بره مع أبنك، وطبعًا لما الأم بتدخل للدكتور بالطفل بيلاقوه ميت ومفتوح جسمه ومتاخد كل اعضاءه والست المنتقبه بتكون هربت بأبن الضحية. وديه قصه حصلت فى أحد العيادات.

– فى المول- لو فى بنها بقى فيها مول- حالات خطف كثيرة للأطفال بسبب قيام الأهالى بترك أولادهم يلعبون على اعتبار أن المكان أمن، لكن لم يعد الأمر كذلك فهناك عصابات متخصصه فى خطف الأطفال فى المولات.

– فى الزاحمه ممكن حد يشكك بحاجه هتكون فى الغلاب حقنه مخدر، فصرخ ولم الناس علطول، وديه حاجه بتحصل فى الموصلات والمترو وأى مكان زحمه.

على الجميع أن يحظر فلم تعد الدنيا كما كانت، واللهم أحفظنا جميعًا. علمى طفلك أنه ميتكلمش مع أى حد غريب، وميخدش أى حاجه من أى حد غريب، ويحفظ رقم بابا أو ماما أو البيت، ويصرخ لما يحس بالخطر، ويكون فى عنوان فى جيبه، بس أوعى تحكيله عن حالات الخطف بطريقة مباشرة حتى لا تثيرى الذعر فى نفوسه، احكيها فى صورة قصص وأزاى أبطالها بيتصرفوا.