إفتتاح مغسلة سيارات شهيرة بعد إغلاقها ببنها

إفتتاح مغسلة سيارات شهيرة بعد إغلاقها ببنها

إفتتاح مغسلة سيارات شهيرة بعد إغلاقها ببنها
إفتتاح مغسلة سيارات شهيرة بعد إغلاقها ببنها

إفتتاح مغسلة سيارات شهيرة بعد إغلاقها ببنها

تمت إعادة إفتتاح مركز Auto Blue Car Care الاربعاء الماضى ، وذلك بقرار من المحافظ.

ونشرت الصفحة الرسمية للمركز على الفيس بوك

#أهم_يوم #شكرا_لكل_اللي_وقف_معانا #هنسقبل_كل_عملائنا_من_النهاردة_في_اوتو_بلو
النهاردة حصلنا علي الترخيص النهائي وقرار بفتح مركز Auto Bluee بقرار من المحافظ وكل الجهات المعنية ؛ والنيابة دلوقتي بتحقق في الفساد اللي حصل بسبب تعطيل الترخيص النهائي عمدا وقرار غلق المحل الغير قانوني اللي حصل مجاملة و بناءا علي توصية المستشار اللي حاول بكل قوته انه يحاربنا ويقف في وش شباب اشتغل بشرف واحترام رغم وجود نفس المشروع في نفس العمارة وف نفس المنطقة وبدون أي ورق ^ وماحدش قرب ليهم ؛ ربنا كان شايف الظلم ؛ احنا فضلنا في حرب اكتر من شهرين بدون اي رحمة رغم الايجارات والالتزامات الكبيرة جدت ؛ شوفنا بعنينا فساد غير عادي قادر يأخر البلد دي مليون سنة شوفنا مسؤولين مستعدين يدوسوا علي طموح أي شاب بمكالمة تليفون من شخص بيستغل نفوذه ؛ حاربنا بكل قوتنا وعارفين انهم مش هيسبونا علشان احنا وقفنا في وشهم في وش الفساد #بس_هنكمل ومش فارق معانا هيعملوا ايه ، وربنا اكبر من أي حد ؛ احنا قدرنا ناخد حقنا علشان ماسكتناش رغم التهديدات ورغم النفوذ ؛ #فاماحدش_يسكت_علي_حقه
شكرا لكل اللي وقف معانا لما نزلنا أول بوست ؛ واللي بسبب دعمكم وتعليقاتكم انتبه الجميع ؛ وشكرا لكل المسؤولين المحترمين القليلين اللي وقفوا قدام الفساد اللي حصل وشكرا للدكتور للواء عمرو عبد المنعم محافظ القليوبية وقراره بفتح مشروعنا واصدار التراخيص علي الفور ولرئيسة مدينة بنها السيدة نجوي العشيري ولكل الجهات الرقابية المحترمة اللي بدأت التحقيقات في الفساد
مش عارفين ايه ممكن يحصل تاني قدام ؛ بس احنا علي الأقل وقفن وحاولنا بكل قوتنا علشان نوصل للعدل ماسكتناش

فى ناس لازم اشكرهم باسمهم

شكرا للمحترم جدا الاستاذ المحامي Hany Sobhy اللي مسبناش ولا يوم وكان ليه فضل كبير جدا
شكرا لسيادة النائب المحترم : مصطفي كمال الدين حسين اللي وقف معانا وساندنا طول الوقت
شكرا للمحترم ايمن ايمن وعلي وقفته وكل اللي عمله
شكرا للجدع د/ عصام Benha city علي تعبه ووقفته
شكرا للمحترم الصحفي حلمي عبدالشافى علي دعمه الدايم لينا ؛ شكرا لكل نواب مجلس الشعب من خارج بنها علي وقوفهم في وش الفساد واهتمامهم الدايم ؛
وشكرا للمحترم الاستاذ جورج جاد علي وقفته معانا
شكرا استاذه : Howaida Galal احوال القليوبية علي دعمها الدايم ومساندتها
شكرا للمحترم sameh el 3″albann
شكرا Mena Nazmy و Osama Gergess وحزب مستقبل وطن علي وقفتهم معايا بمجرد ما المكان اتقفل
شكرا لكل سكان العمارة والمنطقة اللي وقفوا معانا ودعمونا وهنفضل دايما ملتزمين بالحفاظ علي خصوصيتكم وراحتكم
شكرا لكل عملائنا اللي وقفوا معانا وساندونا
هنعلن انهارده عن افتتاح اوتو بلو

عايزين نشكر فعلا كل الناس واللي ناسيين اسماءهم دلوقتي وكل واحد كان بيسأل وبيهتم

كل الاحترام ليكم”